DNTT Halao Ezame Kondusaun: Abertura ba Kondutores iha Municipio Liquiçá

Liquiça, 11, Dezembru, 2024.

Sekretáriu Munisipál Liquiçá asuntu Financas no Administrasaun, Sr. Fernando da Conceição ne'ebé reprezenta Presidente Autoridade Munisipál Liquiçá, halo abertura ba exame kondusaun ba kondutores sira iha salaun tokodede Munisípiu Liquiçá.

Exame kondusaun ba kondutores ne'e sei hahu husi loron 11 durante loron 10 nia laran, ne'ebé organiza no fasilita husi Ministériu dos Transportes no Komunikasaun, Diresaun Nacional de transporte terrestres.

Objetivu husi exame ne'e hodi fasilita kondutores sira ne'ebé sidauk iha karta kondusaun,liu husi teste ne'e bele iha ona karta kondusaun wainhira lori kareta ka motor ne'ebé halo sirkula iha via públiku.

Iha atividade ne'e marka mos prezensa husi Diretora Nacional transporte terrestres, Komandante PNTL Munisípiu Liquiçá, komandante tranzitu Munisípiu Liquiçá, Tekniku husi DNTT, inklui mos Sekretáriu Munisipál Liquiçá.

Fontes : Portal Munisipál Liquiçá