Banku Dezenvolvimentu Aziátiku (ADB) no Governo Timor-Leste lansa ona Planu Mestre Transporte Públiku Timor-Leste

Banku Dezenvolvimentu Aziátiku (ADB) no Governu Timor-Leste lansa ona Planu Mestre Transporte Públiku Timor-Leste (TLPTMP) hodi ajuda nasaun alkansa nia vizaun ba sistema transporte públiku ne’ebé prontu ba futuru ne’ebé apoia kreximentu ekonómiku, dezenvolvimentu urbanu, no kualidade moris iha nasaun tomak.

Dokumentu planeamentu ba tempu naruk fornese mapa dalan ida ba kreximentu no dezenvolvimentu futuru transporte públiku lokál nian.

“Planu mestre ne’e sei garante katak ema iha asesu ba sistema transporte públiku ida ne’ebé efisiente, seguru, inkluzivu, reziliente ba klima, no sustentável”, tenik Diretora País ADB ba Timor-Leste, Stefania Dina.

"Planu mestre ne’e mós sei kontribui atu alkansa dezenvolvimentu ho karbonu ki’ik no kresimentu ne’ebé efisiente enerjétiku iha setór transporte, iha liña ho Timor-Leste nia Kontribuisaun Nasionál Determinada 2022-2030." nia hatete

TLPTMP fasilita transformasaun ba transporte públiku intra- no inter-sidade liuhosi halo revizaun ba rota transporte públiku ne’ebé eziste, hadi’a fasilidade parajen autokarru no terminál, no estabelese rota autokarru públiku foun.

TLPTMP mós fó orientasaun ba organizasaun sira ne’ebé jere no opera sistema transporte públiku. Ida-ne’e hein atu hametin pozisaun Dili nian, sidade kapitál nasaun nian, nu’udar sentru transporte nian, enkuantu hadi’a asesu ba servisu públiku no oportunidade ekonómika ba timoroan sira liuhosi transporte públiku.

“Nesesidade ba transporte públiku iha Timor-Leste hanesan asuntu urjente ida, nomeadamente nesesidade atu dezenvolve no habelar transporte públiku ho kualidade ho terrenu ne’ebé limitadu no rekursu dezenvolvimentu nian”, tenik Ministru Transporte no Komunikasaun, Miguel Marques Gonçalves Manetelu.

"Iha mós nesesidade atu dezenvolve sistema no servisu sira transporte públiku nian ne'ebé reziliente hasoru risku sira hosi alterasaun klimátiku sira. Atu hatán ba nesesidade sira ne'e, Ministériu Transporte no Komunikasaun, ho apoiu hosi ADB, dezenvolve ona TLPTMP", Manetelu hatete.

ADB iha kompromisu atu alkansa Ázia no Pasífiku ida ne’ebé prósperu, inkluzivu, reziliente, no sustentável, enkuantu sustenta ninia esforsu sira atu halakon pobreza extrema. Harii iha tinan 1966, ida-ne'e na'in maka membru na'in 68—na'in 49 hosi rejiaun

Fontes husi : Tatoli.tl